Vargur hlés

11.10.2008 | 00:58

Þusþurs rumskar í bloggheimum með ristilstíflu

Nú er tími niðurgangsins kominn. Það var orðið löngu tímabært fyrir íslensku þjóðina að laxera. Með ristilinn stútfullan af grjóthörðum skít kapítalismans var það óhjákvæmilegt að fara í gegnum kvalafulla hreinsun. Magakveisurnar eru hræðilegar og það er niðurlægjandi að sitja í svitaköstum á dollunni fyrir framan alþjóðasamfélagið. En við getum ekki annað, skíturinn verður að komast út. Þessi ósköp eiga eftir að taka einhvern tíma og klósettferðirnar eiga eftir að verða nokkrar eftir að versta gusan er afstaðin. Og við eigum eftir að vera aum í rassinum lengi. Það eina sem linað getur þjáningarnar sem þessu fylgir er vonin um að eftir þessa hreinsun auðnist okkur að lifa heilbrigðu lífi, neyta í hófi og troða ekki öðrum um tær.

Bloggar | Slóð | Facebook | Athugasemdir (1)

9.5.2008 | 23:40

Miklar væntingar bundnar við losun ritstíflu

Nú hefur verið unnið að því hörðum höndum í rúmlega eitt ár að losa um nokkuð svæsna ritstíflu sem myndaðist mjög fljótlega eftir að þessi bloggsíða var skráð. Þar sem höfundur vann á árum áður allnokkuð við það að losa klóakkstíflur og fer að komast á þann aldur að losa þurfi um skyldar stíflur í eigin pípulögnum er ástæða til að vera bjartsýnn. Venjulega eru það talin örugg vísbending þess að stífla sé að losna þegar eitthvað gerist, og nú er það svo að höfundur hér hefur komist að því hvert notendanafn og lykilorð er fyrir þessa bloggsíðu. En nú er lappinn að verða rafhlaðslítill og allt hleypur því skyndilega í kökk á ný.

Bloggar | Slóð | Facebook | Athugasemdir (1)

6.3.2007 | 22:23

Þusið nálgast vonandi

Eins og á að standa hér til hliðar er meiningin að á þessari birtist mikið þus. Þusað skal um allt milli himins og jarðar en þess gætt að klappa einhverjum með hárunum að sið íslenskra blaðamanna.

Bloggar | Slóð | Facebook | Athugasemdir (1)

25.2.2007 | 22:44